Roli i ushqimit në preventivën e sëmundjeve malinje

Frika nga sëmundja e kancerit është njëra ndër frikat më të mëdha të njeriut. Ajo çka është karakteristike për këtë sëmundje është se frika nga sëmundja është e njejtë me frikën nga shërimi.
Me rezultatet diskutabile të terapisë, duhet të merremi dhe me efektet negative që len kjo terapi në organizëm.
Instituti Amerikan për hulumtimin e kancerit, National Cancer Institute, në vitin 2003 ka dhënë raporte të shumta, ku shumica e tyre shkruan për rolin e ushqimit që ka në preventivën e kësaj sëmundje të rrezikshme. Konsumi dhe largimi i ushqimeve të caktuara mund të luaj një rol të caktuar dhe të rëndësishëm.
Sipas disa raporteve, ushqyerja e keqe mund të lidhet me 60% të rasteve me kancer.
Nga ana tjetër, ushqyerja me rregull mund të ndikojë në preventivë në 20-50% të rasteve.
Ushqyerje e keqe nënkuptohet konsumimi i tepërt i ushqimeve me prejardhje shtazore, yndyrërat, qumshti dhe produktet e tij me përqindje të lartë të yndyrës, kurse ato me prejardhje bimore konsiderohen si të shëndetshme për njeriun, çka i bëjnë të vlefshme vitaminat, mineralet dhe fitokemikaljet që gjenden në to. Kohëve të fundit po studiohen shumë ndikimet e konsumimit të ushqimeve të veçanta si dhe komponenteve të tyre, në rritjen apo zvoglimin e rrezikut ndaj llojeve të caktuara të kancerit.
Në universitetin e Utah është studiuar lidhja në mes të marrjes së tepërt e karotenit dhe kancerit në zorrë. Sipas tyre, Lutein, por jo dhe karotenoidet tjera, mund të luaj një rol të rëndësishëm në preventivën e kancerit të zorrëve.