Çfarë ndodhë kur inçizoheni me skener?

Pasi të shtrihet pacienti në cilindrin e MRT (skener), fillon procesi i cili ndahet në disa faza. Në fillim rreth trupit formohet një fushë magnetike e fortë (1 deri 3 tesla) të cilat veprojnë në protonet e ujit në organizëm, duke
i drejtuar në kahje të njejtë. Nën ndikimin e radio-valëve me frekuencë të lartë, të cilat drejtohen në kënd të caktuar, kjo kahje ndryshon. Pas kësaj çkyqen radio-valët dhe protonet kthehen në pozitën fillestare, duke liruar
përsëri energji të cilën e kanë absorbuar nën ndikimin e radio sinjaleve.
Antenat marrëse matin energjinë që lirohet me këtë rast. Duke faleminderuar radhitjes speciale të këtyre kalemave marrës, saktësisht mund të caktohet kur dhe ku është liruar çfarë energjie. Të dhënat e marra, kompjuteri i shëndrron në foto të prera. MRT është një metodë e mirë për kontrollim të tërë trupit, për zbulimin e sëmundjeve të trurit dhe sistemit kardiovaskular, si dhe ndryshimeve në organet e brendshme dhe syrit. Sipas të dhënave të deritanishme, nuk ka efekte anësore me kusht nëse veprohet me rregullat paraprake. Metali, psh pejsmejker nuk guxon të hyjë në skener. Tani, me përdorimin e kontrasteve, MRT fotot bëhen më precize dhe më të qarta, dhe mjeku organet mund t'i shohë nga të gjitha anët, në të tri dimenzionet.